كلمات أغاني سودانية

 



           ( عادي جدا ) - معتز صباحي 


عادي جدا أنا يا مناي 
رغم ابحار  السفاين 
في  محيط  حبا خرافي
قلت  أرجع  أنا  للسواحل 
و  أخنق  احساسي  الرهيف 
و  أبقى  أكتر  زول  مجافي
  
عادي  جدا  انا                                                  
رغم  ريدي  و  انفراج  زاوية  غرامك 
الملم  أشواقي  و  أسافر 
لي  عيون  ما  زي  عيونك 
فيها  أعلن  أنا  احترافي 

ما  حتبكي  علي  انت 

تملا  عينيك  المدامع
بس  محال  تشفع  دموعك 
في  زمن  شبه  الاضافي
ياما  كنت  بعز  عيونك 
و  افتكرتك  انت  ليا 
نسمة  تجفف  لي  دموعي 
يا  شويدن  الفيافي 

الا  خليك  في  غرورك 
انا  أصلي  معتاد  المآسي   
انت  مهما  عنادك طال 
يوم  حترجع  لي  مشاعرك
بس  حتلقى  قليبي  مافي        E:\سودانى\معتز صباحى\معتز - عادي جدا.mp3




كلمات :  أغنية (كاتبني وين) -  طه سليمان 
كاتبني وين وعند ياتو شيخ خلاني أجري وراك كدا
أنا  ضقت طعم  الريد كتير ما لقيت غرام بالشكل دا
و كاتبني وين
سقيتني موية الريدة وين    و كشحت لي كشحة هوا
مرضت بيك و إنت الدوا
بتعب كتير لمن تغيب    برتاح وكت   ما نكون سوا
شيخك   خطير السوا  ليك    عرق  المحبة  و اكدا
و كاتبني وين
لي  مدة  أنا  ما  شديد     يا  معاك  يا عايز أجيك
من أي زول أنا مصطفيك
ما فيك شئ بخليك هواى     وريني أيه عاجبني فيك
ده  كلام  كتابة  و ما كلام     كاتبني روحك أسعدا
و كاتبني وين
جربت أنواع البخور        جاولي و مسبع و اللبان
ما لقيتها لحظات الأمان
لا قادر أتأقلم معاك        لا  قادر أرجع زي زمان
كتابة  أكتب  ما  مهم        زيد  الكتابة   و جودا
و كاتبني وين
شيخك صعب بالجد صعب خلاني أمشي و ليك أميل
و أشوفك إنت براك جميل
عايز  أهنيه  و أعرفه  كيف  خلاني لي ريدك أشيل
كيفن  قدر  ريدتي  المعاي   عشان   أريدك   يبعدا
و كاتبني وين
إخراج /
أبو الأنوار
– أبريل 2011 – الأبيض




لما ردتك
 محمود عبدالعزيز
لما ردتك
كنت عارفك زي نغيمة طالعة من وتر الأسية
كنت شايفك زي نجيمة ضاوية للفجج القصية
كنت حابسك زي دميعة خوفي لما تسيل قوية
تجرف أحلام العيون العايشة جنبك ما شقية

لما ردتك كان عمر قصتنا ساعة
الزمن في لحظة نادى كل أفراحو المضاعة
ما المودة معاني سامية و الأمل للروح متاعا
انت ترحلي زي مراكب للوداع فردت شراعا

حومي في خاطر حبيبك كوني في زحمة ظروفه
شعرى من بهجة عيونك من حنانك ضي حروفه
دنيا فيها الريدة قسمة و كل زول كايس وليفه
ريدي مكتوب في الجبين بكرة ياما العين تشوفه



 محمود عبد العزيز – الحلم الجميل

زادت في أعماقي الجراح
زاد في حشاي نزف النزيف
مطعون و في حبك جريح
صامت و كل زادي الحروف
واقف في باب الانتظار
وراح أنتظر أكتر و أقيف

أنا يا زمان الانهزام
صابر و مثابر في الصبر
عايش و في جواي أمل
و باقي معاي طول العمر
أمشي و أواصل  للمسير
يمشي مع خطاوينا القدر

من أجل تحقيق الوصول
بركب مراكب المستحيل
مهما ما المشوار يطول
بمشي علي الدرب الطويل
عشان أحقق يا زمن
آمالي و الحلم الجميل
و لما أرجع للوطن
يعود معاي مجدي القبيل



 
    لا  حول  الله  
  طه  سليمان
لا  حول  الله  ده  جنسه  شنو
و  ساكن  وين  و  اسمه  منو
كتمته  نفسه  الهوي  وينو
لا  حول  الله
قيامة  رابطة  و  قايمة  هسة
والعالمين  سووها  قصة
فهمنا  شي  و  عرفنا  حاجة
و  في  الجمال  أدانا  حصة
لا  حول  الله
يا  خلق  أدونا  فرصة
يا  أخونا  سكة  و  يا  خالة  قرصة
الفضل نقطع  تذاكر
نقيف  في  الصف  نستنى  فرصة
لا  حول  الله
الحمى  الكومة الخلعة  الرجفة
السواها  لي  الشفته  ختفة
دوايا  نفس  الشى  المرضني
ما  بطيق  بي  غيره  وصفة
لا  حول  الله


فات  الاوان  -  صلاح بن البادية


فات الاوان ..
و الانكتب  على جبينا  الليلة  بان
و اصبحنا  أغراب  ..
 نحن  القراب لا رعشة لا لمسة حنان

فات الاوان .. ما  قادر  أصدق  انو  نحن  اوانا  فات
كيفن  سنين  الحب  تفوت
ياداب  ظلال  افراحها  جات
كيف  نفترق  نقطع  صلانتا 
يوم  ما بدت  بينا  الصلات 
فات  الاوان  ..
شيع  غرامنا  الاتولد ساعته  اللى  مات 
ماتت دموع  تعطر  صدى  الماضى  اللى  كان
فات  الاوان  .. 
و الانكتب  على  جبينا  الليلة  بان

أنا  عشت  من  قبلك  غريب 
ما  عرفت  تقدير  الزمن 
أحبابى  من  قبلك  دموع
و أصحابى  من  قبلك  شجن 
كان  عمرى  حفنات  من  ضياع 
ما  ليه  قيمة  و  لا  تمن
يوم  ما عرفتك 
كان  سنين  العمر  ولن  و  انتهن
و  فضلت  اتحسر  و  اقول 
ليه  ما  عرفتك  من  زمان

الله  لحبى  الاندثر
يوم  ما  ظهر  ما  ضاق  شباب
الله  لقلبى  الاحترق 
يوم  انفتح  للجنة  باب 
الله  لشمعاتى  انطفن 
يوم  الظلام  بالفرحة  داب
الله  لعمرى  الانتهى  يوم  ابتديت  احسب  حساب
قول  الوداع  ..  فات  الاوان 
ياريته  فات  قبل  الاوان



لهيب الشوق - محمود عبدالعزيز 


فاض بى لهيب الشوق و ما عارف أحوالها
الحلوة ست الناس  يا ريتنى فى بالها

مزروعة فى جواى و انا زدت فى شوقها
محروسة بى ياسين قلبى معشوقها
زى نفحة الياسمين سمحة و سمح زوقها

ليه الحنين دفاق و قلوبنا مشتاقة
كاتلانا بى ريده و نحن عشاقها
الروعة ست الناس حارقانة أشواقها

نار الغرام فى الجوف زادت لهيب الشوق
الروعة ست الناس صاحبة معالى و زوق
زى قمرة فى دورين يا قمرة فى دورين أصلو الجميل معشوق

   =  محمــــــــــــــــــــــــــــــــــــــــــــــــــــــود  عبدالعزيــــــــــــــــــــــــــــــــــــــــــــــــــز

‏الجمعة‏، 02‏ يناير‏، 2009




صرخة  عقد  الجلاد

لي وين  و  كيف  لمتين  يا  ضحكة  ضاعت  وين
يا  حزن  يا مرتاح  بين  الدموع  و  العين 
غابت  معاك  الروح  و  الليل  حشد  سهره
شباك  حلم  مقفول  حس  المسافة  يطول  للفاتو  ما  رجعو
يا  سكة  لي  بيتنا  يا  عتمة  يا  مشوار  يا  شارع  الحلة 
ما  ضاعت  الذكرى للغابو  و  الحضروا 
يا  قمري  يا  قمرة  يا  سنسنة  و  حمرا 
بسأل  عن  الافراح  و  الخاطر  المرتاح
عن  غنية  فيها  سماح  عن  الصباح  الراح 
لا  ضوه  لا  أتره 
لي  وين  و  كيف  لمتين 
يا  ضحكة  ضاعت  وين 
يا  حزن  يا  مرتاح  بين  الدموع  و  العين
علمنا  يا  مسكين  ورينا  عايش  كيف 
دي  الريح  و  طول  الزيف  بيشتته  المطرة 
الفكرة  قولة  الحق  و  السلطة  مبتسرة 
و  الخطوة  نحوك  كيف  و  السكة  ديك  خطرة 
أطفالنا  و  الامات  آمالنا  و  أحلامنا 
الهس  و  الجايات  طوالي  في  وكرة 
لكن  ده  كلو  يهون  مهما  الصباح  مرهون  و  الفرحة  محتكرة 
ما  البذرة  مهما  يكون  حتبقى  يوم  شجرة
بذرتنا  مهما  يكون  حتبقى  يوم  شجرة  

                     اخراج /  أبو  الأنوار
‏03‏/03‏/2010




غناء  المبدعة    /   شبرين                           اخراج  الرهيب  /  أبو الانوار
ما بتفرحش  غير لفرحك
ما بتحزنش  غير  لجرحك
ما  بتتعبش  غير  لصالحك
انت  عايش  ليك  و  بس
أه  لو  أعرف  أبكي  و  أفرح  امتى
كنت  عمري  ما  أحبك  انت
يعني  عمري  ما  كنت  أحس
انت  ايه  بتحب  ليه
و  الحب  عندك  ما  يساويش
انت  ايه  قلبك ده  ايه
بيدق  بس  عشان  تعيش



الحياة  عندك  مراحل
اللي  جاى  زي  اللي  راحل
تمشي  ليه  لو  لسه  فاضل
حد  تاني  ما  تجرحوش
بس وحياة  حبي  ليك
عمري  تاني  ما  حأبقى  ليك
كل  يوم  بيفكرني  بيك
آه  ياريتني  ما  عشتهوش
انت  ايه  بتحب  ليه
و  الحب  عندك  ما  يساويش
انت  ايه  قلبك ده  ايه
بيدق  بس  عشان  تعيش


هي  دي  بداية  النهاية
حأرمي  كل  ماضيك  ورايا
مش  حتفرق  يوم  معايا
مهما  قلت  حبيبي  ايه
و  اللى  قلته  عليك  و  عدته
هو  ده  اللي  يادوب  عرفته
واللي  مش  عارفاه  حأسيبه
حدي  غيرى  يقول  عليه
انت  ايه  بتحب  ليه
و  الحب  عندك  ما  يساويش
انت  ايه  قلبك ده  ايه
بيدق  بس  عشان  تعيش
غناء  المبدعة    /   شبرين                           اخراج  الرهيب  /  أبو الانوار


4= لهيب الشوق للمبدع / محمود عبدالعزيز
لهيب الشوق

فاض بى لهيب الشوق و ما عارف أحوالها
الحلوة ست الناس  يا ريتنى فى بالها

مزروعة فى جواى و انا زدت فى شوقها
محروسة بى ياسين قلبى معشوقها
زى نفحة الياسمين سمحة و سمح زوقها

ليه الحنين دفاق و قلوبنا مشتاقة
كاتلانا بى ريده و نحن عشاقها
الروعة ست الناس حارقانة أشواقها

نار الغرام فى الجوف زادت لهيب الشوق
الروعة ست الناس صاحبة معالى و زوق
زى قمرة فى دورين يا قمرة فى دورين أصلو الجميل معشوق

   =  محمــــــــــــــــــــــــــــــــــــــــــــــــــــــود  عبدالعزيــــــــــــــــــــــــــــــــــــــــــــــــــز

‏الجمعة‏، 02‏ يناير‏، 2009

3= كلمات أغنية (يا رزينة) للمطربة (حنان النيل).. , أهديها للإبنة/ آفاق الموجودة هذه الأيام في الخرطوم لتمثيل الولاية في مسابقات التحاور باللغة الإنجليزية :

يا رزينة
غناء = حنان النيل
============================================================
يا رزينة  - 
وصى عينيك   الحنينة
ترسم الفرح  المهاجر
فوق عيون كل المدينة
يا رزينة -  
سيبي احزانك تعالي
نحضن القمر البلالي
فوق نجيمات الليالي
نحكي للاطفال حكاوي
نهدي   للناس  الغناوي
للصباحات  و الاصايل
للرياحين   و   الخمايل
يا رزينة -
للرياح الهابة نحكي  ..  للنسيمة
للبيوت نهدي التحايا غيمة غيمة
للقمر طل فى  جبينك و للنجيمة
و العيون كيفنها 
خلي بالك  منها
الحزن     فارقنا    أمسه
و النسيم   يطربنا  همسه
و الصباح   الطل    جانا
فى جبينك شارقه شمسه
يا رزينة -                               =اخراج/ أبو الانوار=

2=كلمات أغنية (معقولة بس) للمطرب (محمود عبدالعزيز) .. و أهديها للإبنة (أماسي) المشغولة حاليا بدراسة الطب البطري بجامعة (نيالا) :

معقولة  بس 
معقولة  بس  في ناس  كدة
معقولة  بس  في  زول  كدة

في  عيونه  زي  ريما  جفل
في  لونه  خاتف  لون  عسل
في  المشية  زي  غيما  رحل
عصر  الجمال  منه  ابتدى

ده  قوامه  بتحدى  الشعر
في  دربه  كم  عاشق  ودر
نظراته  أقوى  من  السحر
وكتين  سهامه  يسددها

شعره  ليل  أسود  نزل
في  وجهه  زي  صبحا  أطل
كلامه أشهى  من  العسل
زي  وردة  بلاها  الندى

صوته  ما  زي  صوت  بشر
وسط  القماري  وكت  عصر
يتناجو فوق نخل  التمر
بي  نغمة  حلوة  ممدده

من أغاني /  محمود  عبدالعزيز
اعداد
أبو  الانوار
‏الثلاثاء‏، 16‏ مارس‏، 2010

1= كلمات أغنية (مسيحية) و التحية لشاعرها إبن الأبيض البار صاحب الرؤية الثاقبة و البعيدة رغم أنه حرم من نعمة الإبصار :
مسيحية

قصة  ريدة  بين  اثنين  بين  مسلم  و  مسيحية
أحلف  ليها  بالاسلام  و  تحلف  بالمسيحية
و  ليا  عقيدة  ما  بتنفات  و  دينى  كمان  عزيز  لية

الا  الريدة  ما  بتعرف  قيود  و  أديان  سماوية
و  تدخل  فى  قلوب  الناس  زي  أفراح  ربيعية

أنا  شاب  أسمر  من  السودان  أصيل  و  قبيلتى  جعلية
حفيد  ناس  ملو  التاريخ  قصص  و  أمجاد  بطولية
في  أقصى  الشمال  شبيت  هناك  فى  قرية  عادية
أصلى  و  أصوم  و  أهدى  الناس  و  جيت  من  أسرة  دينية
صدري  عريق  قدر  تربال  و  كل  سماتي  ريفية
و  عندي  خشونة  فى  صوتى  كمان  معروفة  ايدية
أجى  و  ألقاك  بلا  ميعاد  زمامي  يفك  من  ايدية

انت  ما  بتختلفي  عن  ناسنا  هناك  فى  قرية  عادية
و  فيها  النيل  و  فيها  نخيل  و  ساقية  تنوح  و  طورية
عينيك  زى  بنات  بلدي  و  افراحك  طفولية
بس  لكن  خدر  عينيك  و  نحن  عيونا  خمرية
و  صوتك  انت  لما  ينوح  صوت  آذان  و  قمرية
و  فى  خديك  زهور  نايرات  مفتحة  منقة  هندية

سألتينى  عن  السودان  و  الخدرة  الطبيعية
عن  الابنوس  و  سن  الفيل  و  غابات  استوائية
قالوليك  وحوش  ناسنا  بياكلو  الميتة  و  الحية
انت  جيتي  تحققي  الرؤية  تشوفي  أدلة  مرئية

سريع  اتمازجت  روحنا  و  فاضت  ريد  و  حنية
اتبادلنا  بالاحضان  و  دبت  هوى  و  غرام  فية
اتفارقنا  من  يومداك  و  ما  اتواعدنا  بالجية
خفت  الناس  يشوفوني  يقولوا  بحب  خواجية
و  يسمعوا  ناسنا  بالقصة  قصة  حب  مسيحية

قصة  ريدة  بين  اتنين  بين  مسلم  و  مسيحية
و  ليا  عقيدة  ما  تتــفات  و  ديني  كمان  عزيز  لية


السبت‏، 07‏ مارس‏، 2009
=========================================